مواصفات ومميزات وعيوب هاتف XIAOMI REDMI 8

XIAOMI REDMI 8

معالج الموبايل سناب دراجون 439 وده اقل معالج مقبول من سناب دراجون وبيتحط في الموبايلات الاقتصادية .. شوفنا المعالج ده قبل كدا في Redmi 7 .. فيعني مفيش  نقلة نوعيه شاومي عملتها في استخدام المعالج ده في الموبايل ده .

بطارية ضخمة 5000 مللي أمبير . انها بتدعم الشحن السريع وكمان مدخل الشحن تايب سي .اشحن الموبايل بشاحن 18 واط البطارية شحنت لحد 90 % في ساعتين بالظبط

الكاميرا الخلفية مزدوجة الاساسية 12 ميجا بيكسل فتحة عدسة 1.8 بمستشعر سوني IMX 383 والتانية 2 ميجا بيكسل للعزل .
والسيلفي 8 ميجا بيكسل فتحة عدسة 2.0 .

الموبايل بيدعم تشغيل جوجل كاميرا .. ممكن تحمل النسخة المناسبة لريدمي 8 .. من هنا .

تجربة تصوير فيديوهات ع الموبايل مكنش فيها جديد .. زي كل موبايلات الفئة الاقتصادية بيدعم تصوير لحد 1080p .. بجودة 30 فريم في الثانية ومفيش تثبيت الكتروني .

بالنسبة لتجربة الصور .. الكاميرا الخلفية محتاجة تحديث يظبط الالوان شوية بس التفاصيل مقبولة طول ما الاضاءة كويسة وممكن تحسن من تجربة التصوير من خلال جوجل كاميرا والي بيطلع صور ممتازة على الفئة السعرية ديه .

بالنسبة للسيلفي ادائها مرضي جدا بالنسبة لسعر الموبايل 

ريدمي 8 موجود نستخين .. النسخة الصغيرة 32 جيجا مع 3 جيجا رام بـ 2000 جنية والنسخة 64 جيجا مع 4 جيجا رام بـ 2300 جنية وينفع تركب كارت ميموري وشريحتين اتصال مع بعض .

علبة الموبايل فيها الموبايل والجراب الشفاف وشاحن 10 واط و وصلة USB والعلبة مفيهاش سماعات ولا اسكرينة زي ما متعودين من شاومي.